ආධුනිකයන් භාවනා ආරම්භ කළ යුතු අයුරු Meditation for Beginners

   

සාමාන්‍ය සමථ හෝ විදර්ශනා භාවනා වඩන අය අනුගමනය කල යුතු පිළිවෙල 

භාවනා කිරීමට දිනපතා එකම ස්ථානයක කල හැකි විදියට එක ස්ථානයක් සුදානම් කරගන්න. දිනපතා එම ස්ථානය පිරිසිදු කරන්න. භාවනා කිරීමට පමණක් එම ස්ථානය භාවිත කරන්න. උතුර හෝ නැගෙනහිරට මුහුණලා වාඩිවී භාවනා කරන්න.


1 ) පළමු පියවර
පළමුවෙන්ම සතියක් භාවනා නොකර යෝගාසන පුරුදු වෙන්න.  විශේෂයෙන්ම පද්මාසනය පුරුදු කරන්න. ආරම්භයේදී විනාඩි 30ක් විතරක් ආසන පුරුදු කරන්න. මේකෙදි සැලකිලිමත් වෙන්න ඕනි දේ තමයි මුළු විනාඩි 30 තිස්සෙම කිසිම චලනයක් සිදු කරන්නේ නැතුව නිශ්චලව ඉන්න පුරුදු වීම. ධ්‍යාන ලබගන්නනම් කය නිශ්චලව තබාගෙන  ඉන්න පුරුදුවිම  අත්‍යවශ්‍ය වෙනවා. පද්මාසනයෙන් වාඩිවෙලා එකදිගට පැය භාගයක්  නිශ්චලව ඉන්න.  තමන්ගේ  ඉරියව්ව ගැන සිහිය පිහිටවාගෙන ඉදීම විත‍රයි මේ පියවරේදී කරන්නේ. වෙනත් කිසිම භාවනා අරමුණක් මෙනෙහි කරන්න යන්නෙපා. හිත විසිරෙන්න දෙන්නත් එපා. වෙන වෙන දේවල් කල්පනා කරන්නේ නැතුව තමන්ගේ ශරීරයට සිහිය පිහිටවාගෙන ඉන්න. ශරීරය විශ්ලේෂණය කරන්න යන්නත් එපා. නිකන්ම ශරීරය තිබෙන ඉරියව්ව ගැන සිහිය පිහිටවාගෙන ඉන්න.

**මෙහෙම කරනකොට අත් කකුල් හරිගස්සන්න  හිතෙන්න පුළුවන්, ගැඹුරින් හුස්ම ගන්න හිතෙන්න පුළුවන්, ඇස් අරින්න හිතෙන්න පුළුවන්, ඇඟ එහාට මෙහාට කරන්න හිතෙන්න පුළුවන්. ඒ කිසි දෙයක් කරන්නේ නැතුව නිශ්චලව ඉන්න. ටික වෙලාවකින් කෙලින් කරන් ඉදපු කොන්ද ඉබේම නැවිලා තමන් පිටිපස්සට ගිහින් වගේ දැනෙන්න  පුළුවන්. ඒ වෙලාවටත් නිශ්චලව ඉන්න. හැබැයි පිටිපස්සට ගිහින් වැටෙන්න වගේ යනවනම් විතරක් හෙමිට කොන්ද කෙලින් කරගන්න.

පලවෙනි දවස් තුන විනාඩි 30ක් මේ විදියට ආසන පුරුදු කරන්න. ඊලග දවස් දෙක විනාඩි  45ක් කරන්න. අන්තිම දවස් දෙක පැයක් ආසන පුරුදු කරන්න.

මේ විදියට කරනකොට ආසන පුරුදු කිරීමෙන්ම හිත එක්තැන් වෙලා හිතට සැනසීමක් සැහැල්ලුවක් නිවීමක්  දැනෙන්න ගන්නවා.


පද්මාසනය තබාගන්න පුළුවන් විදි කීපයක් තියෙනවා. කකුල් එකිනෙක හරහා දාගෙන යටිපතුල් උඩට හිටින විදියට පුරුදු කිරීම තමයි හොදම ක්‍රමය. 

ඒ ක්‍රමය අමාරුනම් මේ දෙවැනි ක්‍රමය පුරුදුකරන්න.

අර්ධ පද්මාසන හා සුඛාසන කියන ආසන දෙකත් භාවනා කිරීමට සුදුසුයි. හැබැයි මේ හැම එකටම වඩා වැඩියෙන්ම හොද පද්මාසනය පුරුදු කිරීම.

අර්ධ පද්මාසනය 

-

සුඛාසනය

භාවනා ආසන පවත්වන ආකාරය  :-

2 ) දෙවන පියවර
සමථ භාවනාවක් වැඩීමට කලින් ජපමාල භාවනාව පුරුදු කරලා තිබීම ඉක්මනින් භාවනාව සාර්ථක කරගන්න  උපකාර වෙනවා.  හිත විතරක් භාවිතා කරන සමථ භාවනා වලින් හිත පලවෙනි පාරට එක්තැන් කරගැනීමට වඩා අත මෙහෙයවමින් හිත එක්තැන් කරන ජපමාල භාවනාව මගින් හිත එක්තැන් කරගන්න ලේසි කමක් තියෙනවා. ඒ නිසා සතියක්  ආසන පුරුදු කිරීමෙන් පස්සේ  සති තුනක් හෝ   හතරක් ජපමාල භාවනාව කරන්න. සති තුනකින් පස්සේ තුන් වන පියවරට යන්න. ජපමාල භාවනාව ලිපිය කියවන්න (මෙතන ක්ලික් කරන්න )
මේ භාවනාව මගින් හිත ගොඩක් හොදට එකඟ වෙනවානම්  සති තුනකින් පස්සේ තුන් වන පියවරට නොයා එකදිගට මාස තුනක් විතර මේ භාවනාවම වඩන්න.


3 ) තුන් වන පියවර
බෞද්ධ සමත හෝ විදර්ශනා භාවනා වඩන යෝගීන් මුල් පියවර දෙකෙන් පසු තමන් තෝරාගත් භාවනාවක් කිරීමට පෙර බුද්ධානුස්සති, මෛත්‍රී, අසුභ, ආනාපානසති යන චතුරාරක්ඛ භාවනා සතර සතියක් බැගින් හෝ සති දෙක බැගින් වඩන්න. ඊට පසු භාවනාව වැඩීමට පටන්ගන්න.

4 ) තුන් වන පියවර
තමන් කැමති සමථ භාවනාවක් තෝරාගෙන එකදිගට අවම මාස තුනක් ඒ භාවනාව වඩන්න. භාවනාවකින් හිත  සැලකිය යුතු මට්ටමකට එකඟ වෙන්න මාස තුනක් විතර යනවා. ඒ නිසා පොඩි කාලෙකින් භාවනාව අතැරලා දාන්න එපා. හිතෙන හිතෙන විදියට භාවනා මාරු කරන්න යන්නත් එපා. අඩුම ගානේ මාස 3ක්වත් එකදිගට  එක භාවනාවක් පුරුදු කරලා බලන්නේ නැතුව වෙනත් භාවනාවකට මාරු වෙන්නෙපා.



කුණ්ඩලිනි භාවනා වඩන අය අනුගමනය කල යුතු පිළිවෙල

තෙවැනි ඇස භාවනා හෝ කුණ්ඩලිනි භාවනා වඩන සියලු දෙනා මෙහි සඳහන් මුල් පියවර සිදුකිරීමෙන් පසුව පමණක් භාවනා ආරම්භ කරන්න!

1 ) පියවර - සමථ භාවනා සඳහා දී ඇති පළමු පියවර ආකාරයටම කරන්න

2 ) පියවර
සති 4ක්  ප්‍රාණයාම කරන්න. ප්‍රාණයාම කරන ආකාරය ලිපිය කියවන්න ( මෙතන ක්ලික් කරන්න )
ප්‍රාණයාම මගින් හිත ගොඩක් හොදින් එක්තැන් වෙනවනම් තුන්වෙනි පියවරට එන්නේ නැතුව එකදිගට මාස 3ක් විතර ප්‍රාණයාම පුරුදු කරන්න.

3 ) පියවර - ජපමාල භාවනාව සති 4ක් කරන්න. ජපමාල භාවනාව ලිපිය කියවන්න (මෙතන ක්ලික් කරන්න )
මේ භාවනාව මගින් හිත ගොඩක් හොදට එකඟ වෙනවානම්  සති තුනකින් පස්සේ තුන් වන පියවරට නොයා එකදිගට මාස තුනක් විතර මේ භාවනාවම වඩන්න.

4 ) පියවර - කුණ්ඩලිනි හෝ තෙවැනි ඇස භාවනා වලින් තමන් කැමති එකක් තෝරාගෙන අවම වශයෙන්  එකදිගට මාස තුනක් කරන්න.

කුණ්ඩලිනි භාවනාව ලිපිය කියවීමට ( මෙතන ක්ලික් කරන්න )
තෙවැනි ඇස භාවනාව ලිපිය කියවීමට ( මෙතන ක්ලික් කරන්න )


* මේ පියවර අනුගමනය කරන ගමන් පලවෙනි පියවරේ ඉදන්ම පන්සිල් රකින්න පුරුදු වෙනවනම් හිත එක්තැන් කරගන්න ඒක උදවුවක් වෙනවා. ඔක්කොම බැරිනම් තමන්ට රකින්න පුළුවන් සිල් පද ටිකවත් ආරක්ෂා කරන්න. දිනපතා පන්සිල් රකිනවා වගේම පෝය  දින වල වරුවෙන් නවත්තන්නේ නැතුව සම්පුර්ණ දවස පුරාම දසසිල් රකින්න.

* ඒ වගේම භාවනා නොකරන වෙලා වලදී සිහිය පුරුදු කිරීම හිත ඉක්මනින් එක්තැන් කරගන්න උපකාර වෙනවා. තමන් කරන හැම දෙයක්ම සිහියෙන් කරන්න. කල්පනා කර කර හීන මව මව වැඩ කරන්නෙපා. කරන කියන හැම දෙයක්ම සිහියෙන් කරන්න. සතර සතිපට්ටානය පුරුදු කරන්න.

* පලවෙනි පියවරේ සිට සියලුම දේවල් එකදිගට හැමදාම කිරීම අත්‍යවශ්‍යයි. කඩින් කඩ  භාවනා කලොත් හැමදාම එකම මට්ටමේ ඉන්නවා මිසක් දියුණු වෙන්න ලැබෙන්නේ නෑ. කඩින් කඩ භාවනා කලොත් හැමදාම මුල ඉදන් හිත එක්තැන් කිරීම පටන්ගන්නයි වෙන්නේ. හැමදාම එකදිගට භාවනා කලොත් අද ඉවර කරපු තැනින් හෙට පටන්ගන්න පුළුවන්. අදට වඩා වෙලාවක් හෙට සමාධිය පවත්වන්න පුළුවන්.
මේ නිසා භාවනාවට කලින් මුලින්ම හැමදාම භාවනා කරන්න පුළුවන් වෙලාවක් තෝරාගන්න.  හැමදාම එකම තැනක  ඉදන් භාවනා කරන්නත් පුලුවන්නම් ගොඩක් හොදයි. භාවනා කරන්න එක වෙලාවක් හා එක තැනක් වෙන් කරගන්න.


* ධ්‍යාන ලබාගැනීම, අෂ්ට සමාපත්ති ලබාගැනීම, පංච අභිඥා ලබාගැනීම පිළිබද ලිපිය කියවීමට - ( මෙතන ක්ලික් කරන්න )

* කුණ්ඩලිනි භාවනා කරන්න කලින් මුලික උපදෙස් ලිපිය අනිවාර්යෙන් කියවන්න. ලිපියේ සඳහන් උපදෙස් වලට අනුව විතරක් භාවනා කරන්න. එම ලිපිය කියවීමට - ( මෙතන ක්ලික් කරන්න )


 Facebook පිටුවට :- ( මෙතන ක්ලික් කරන්න )

මේ භාවනා වැඩීමෙන්  ඔබ අත්කරගන්නා පිං සක්‍ර දෙවියන්ටත් මගේ ගුරුවරයන්ටත් මටත් අනුමෝදන් කරන්න අමතක කරන්නෙපා..


ආධුනිකයන් හට භාවනා ආරම්භ කිරීමට ඉතා සුදුසු භාවනා වන ත්‍රතක භාවනාව හා සාසෙන් (අනිමිත්ත / අසංඥ ) භාවනාව පිළිබඳව අපගේ යුටියුබ් නාලිකාවේ වීඩියෝ නරඹන්න :-

( මෙම ලිපි ලිඛිත වාචික විද්‍යුත් හෝ වෙනත් ඕනෑම ආකාරයකින් උපුටාගැනීමෙන් වලකින්න )