ජීවිතයේ සාර්ථකත්වයට ධනාත්මක චින්තනය හා ආකර්ෂණ නිතිය (Positive thinking & Law of attraction)

                                                 අද මම පැහැදිලි කරන්න බලාපොරොත්තු වෙන්නේ යම් තරමකට භාවනාමය සම්බන්ධයක් තිබෙන මනෝවිද්‍යාත්මක කරුණු කීපයක්. "මගේ ජිවිතේ අසාර්ථකයි  , මම දුප්පත් , මම අවාසනාවන්තයි" කියල හිතෙනවනම්, දවසේ වැඩි වෙලාවක් සතුටින් නොඉද දුකෙන් තරහෙන් ඉන්නවනම්, ජිවිතේ ප්‍රශ්න වලින් පිරිලනම්, ජිවිතේ විදිනවට වඩා විඳවනවානම්  මේ ලිපියේ තියෙන දේවල් කරලා බලන්න දවස් කීපයකින්ම හරිම සතුටුදායක වාසනාවන්ත ජිවිතයක් ගත කරන්න ලැබෙනවා. මේ දේවල් භාවිත කිරීමෙන් ජිවිතේ සාර්ථකත්වය ඉක්මනින් ලගා කරගන්න පුළුවන්. අපේ ජිවිතේ අසාර්ථක වෙන්න ලොකුම හේතුවක් වෙන්නේ අපේ හිතේ අපි නොදැනුවත්ව තියෙන ඍණාත්මක සංකල්ප. "මට බෑ, මට පින නෑ, මම ලිඳක් කැපුවොත් එකෙත් ගෙම්බෙක්, මටමයි වෙන්නේ, ඇයි මටම වෙන්නේ" වගේ ඍණාත්මක සිතුවිලි නිසා අපි නොහිතන තරම් ලොකු බලපෑමක් අපිට සිද්දවෙනවා. අපි ඇතුලෙම තියෙන දේවල් වලින් අපිව අසාර්ථක වීම වලක්වාගෙන සාර්ථකත්වය ඇතිකරගන්න ගන්න විදියත් අපිට අවශ්‍ය ඕනිම දෙයක් ආකර්ෂණය කරගැනීමට අපේ සිතුවිලි තරංග වලට ඇති දිව්‍යමය බලයත් ගැනයි මේ ලිපියෙන් පැහැදිලි කරන්න බලාපොරොත්තු වෙන්නේ.

ධනාත්මක චින්තනය Positive thinking

අපි හිතන පතන දේවල් මගින් අපිට වෙන බලපෑම අනුව අපි හිතන සිතුවිලි ධනාත්මක හා ඍණාත්මක කියල වර්ග කරන්න පුළුවන්. ගොඩක් වෙලාවට අපේ හිත ඉබේම නැඹුරු වෙන්නේ ඍණාත්මක සිතුවිලි පහල කරන්න. තමන්ගේ හිතේ වැඩියෙන් තියෙන්නේ ධනාත්මක සිතුවිලිද ඍණාත්මක සිතුවිලිද කියල අදුරගන්න මේ ප්‍රශ්න ටික තමන්ගෙන්ම අහල බලන්න:
මම නිතරම ඉන්නේ සතුටින්ද නැත්නම් දුකෙන් තරහෙන්ද ?
මම නිතරම ඉන්නේ අනුන්ට ස්තුති කරමින්ද බනිමින්ද?
මම ඉන්නේ අනාගතය ගැන බයෙන්ද විශ්වාසයෙන්ද?
මට නිතරම හිතෙන්නේ මම වාසනාවන්තයි කියලද අවාසනාවන්තයි කියලද?
මම වැඩියෙන් කරන්නේ ආශිර්වාද කිරීමද සාප කිරීමද?

මේවට උත්තර සතුට, ස්තුති කිරිම, විශ්වාසය ,වාසනාව හා ආශිර්වාදය නම් හිත ධනාත්මක සිතුවිලි වලින් පිරුණු හිතක්. එත් බහුතරයකට උත්තරය ලැබෙන්නේ මේවට ප්‍රතිවිරුද්ද දේවල්.
 ඍණාත්මක සිතුවිලි හිතක මුල් බැහැගෙන තිබුනම ඒවා ක්‍රියාත්මක වෙන්නේ හරියට ඇග ඇතුලේ තියෙන විසක් වගේ. ඍණාත්මක සංකල්ප වලින් අලුතින් නිපදවන්නෙත් ඍණාත්මක සිතුවිලිමයි. ඍණාත්මක සිතුවිලි මගින් හිත හැමවෙලේම පහතට හෙලනවා, තමන් හරිම අවාසනාවන්තයෙක් කියල අඟවනවා. මේ වගේ දේවල් විශ්වාස කරගෙන ඉදියම යටි හිත මගින් ඒ විශ්වාස ඇත්ත වෙන විදියටම වැඩ කරනවා, තමන්ගේ ප්‍රශ්නෙකට උත්තරයක් හිතෙන් හිතනකොට යටි හිත මගින් ප්‍රශ්නය නොවිසදෙන උත්තරයක්ම ලබා දෙනවා, ජිවිතේ ගැන තීරණ ගනිද්දී ජිවිතේ විනාස වෙන තිරනම යටි හිතෙන් සකස් කරලා දෙනවා, අභියෝගයකට මුණ දෙනකොට එක අසාර්ථක වෙන විදියටම වැඩ කරන්න යටි හිත ක්‍රියාත්මක වෙනවා. මේ නිසා මට වාසනාවක් නෑ කියල හිතන අයට නිතරම අත්දකින්න වෙන්නේ අවාසනාවමයි. මට සල්ලි ඉතුරු කරන්න බෑ කියල හිතනකොට සල්ලි වියදම් වෙන වැඩ කරන්නම අපේ හිත අපිව පොළඹවනවා. මටමයි වෙන්නේ කියල හිතන් ඉන්න අයට අහක යන ප්‍රශ්නත් ආකර්ෂණය වෙනවා. එහෙම වෙන්නේ එයාලව ප්‍රශ්න වලට යටි හිත මගින් පොළඹවන නිසා.

                                 මීටත් වඩා භයානක තත්වයක් ඍණාත්මක චින්තනය මගින් වෙනවා. ඒක තමයි අපේ හිතෙන් පිටවන චිත්ත තරංග වලින් බාහිර ලෝකේ දේවල් වලට බලපෑම් වීම. මේ කිරණ වලින් වෙනත් මිනිස්සුන්ටත් අජීවී වස්තු වලටත් බලපෑම් සිද්ද වෙනවා. මේ කිරණ වල මුලිකම ස්වභාවය වෙන්නේ සිතන දේවල් ආකර්ෂණය කිරීමේ හැකියාව. අපි අවාසනාව ගැන නිතර හිතනකොට මොලයෙන් පිටවෙන කිරණ වලින් බාහිර ලෝකය සකස් කරනවා අපිට අවාසනාවන්ත දේවල්ම අත්දකින්න ලැබෙන විදියට.  අපි ලෙඩ රෝග ගැන නිතරම බයෙන් සැකෙන් හිතනකොට අපේ හිතෙන් පිටවෙන කිරණ වලින් අපිට ලෙඩ රෝග වැළදෙන විෂබීජ ආකර්ෂණය වෙන නැඹුරුතාවක් තියෙනවා. මෑත කාලේදී විද්‍යාත්මක පරීක්ෂණයකින් හොයාගෙන තියෙනවා මකුළුවන්ට කැරපොත්තන්ට බය පුද්ගලයන්ගේ නිදන කාමර වල අනිත් අයගේ කාමර වලට වඩා මකුළුවන් කැරපොත්තන් ඉන්නවා කියල. මේ හැම දෙයක්ම වෙන්නේ හිතෙන් පිටවෙන කිරන වල බලපෑම නිසා.

                            මේ නිසා අපි විශ්වාස කරන දේවල් හා නිතර නිතර හිතන දේවල් ගැන අපි ගොඩක් සැලකිලිමත් වෙන්න ඕනි. ඉතින් අපි කොහොමද මේ අපේ හිත ඇතුළිනුත් බාහිර ලෝකයෙනුත් අපිට නරකම ආකර්ෂණය කරන ඍණාත්මක චින්තනයෙන් මිදෙන්නේ? මෙතනදී තමා ධනාත්මක චින්තනය ඕනි වෙන්නේ. ඍණාත්මක චින්තනයක් තියෙනකොට ඇත්තටම ඍණාත්මක දේවල්ම වෙන්නේ අපිට ඕනි දේවල් ඇත්තටම ලබාගැනීමේ හැකියාවක් අපේ සිතුවිලි තරංග වල තියෙන නිසා නේද?  මෙන්න මේ දේ තමා විශ්ව ආකර්ෂණ නිතිය කියන්නේ. අපිට අවශ්‍ය ඕනිම දෙයක් ලබාගැනීමේ, ඕනිම තත්වයකට පත්වීමේ, ඕනිම දෙයක් සිද්ද කරගැනීමේ දිව්‍යමය හැකියාවක් අපේ චිත්ත තරංග වල තියෙනවා. අපේ සිතුවිලි වලට අපිට අවශ්‍ය දේවල් ආකර්ෂණය කර දීමේ හැකියාවක් තියෙනවා. අපේ හිතේම ඉෂ්ට දේවතාවෙක් ඉන්නවා.

                           කොහොමද මේ දිව්‍යමය හැකියාව පාවිච්චි කරන්නේ? මේ සඳහා කරන්න ඕනි ධනාත්මක චින්තනය පුරුදු කිරීම හා visualisation කිරීම. මුලින්ම ඍණාත්මක දේවල් හිතීම නතර කරන්න. පුරුද්දට වගේ හිතුනොත් ඒවා පෝෂණය කරන්න නොයා වහාම අයින් කරගන්න. ඒවා එක්ක ගැටිමෙනුත් වලකින්න. ඊට අමතරව ධනාත්මක දේවල් නිතර හිතන්න පුරුදුවෙන්න.
පහලින් තියෙන දේවල් කොලයක ලියාගෙන හැමදාම උදේ කණ්නාඩියකින් තමන් දිහා බලාගෙන කියවන්න.

මම දවසින් දවස දක්ෂ සාර්ථක පුද්ගලයෙක් වෙනවා
මම දවසින් දවස පෝසත් වෙනවා
මම දවස පුරාම නිතරම සතුටින් උද්‍යෝගයෙන් ඉන්නවා
මට හැම අතින්ම පහසුව සැලසෙනවා
මට හොඳ මිතුරන් ඇතිවෙනවා, පිරිස ඇතිවෙනවා
මට හැම අතින්ම හොඳ වෙනවා
මට හැම අතින්ම හරියනවා
මම හරිම වාසනාවන්ත දක්ෂ බුද්ධිමත් පුද්ගලයෙක්
මම ධනවත් සැපවත් පුද්ගලයෙක්
මට තියෙන්නේ හරිම ශක්තිමත් නිරෝගී ශරීරයක්
මට සෞභාග්‍ය උදාවෙනවා
මට වාසනාව උදාවෙනවා
මිල මුදල් සැප සම්පත් මා වෙත ගලාගෙන එනවා

හැමදාම computer laptop භාවිතා කරන කෙනෙක්නම් මේ දේවල් සහිත wallpaper එකක් හෝ කීපයක් හදාගෙන දාගෙන තියාගෙන හැමදාම කියවන්න.

                                              මේ දේවල් නිතර හිතිමෙන් හිතට අවශ්‍ය හයිය ලැබෙනවා. ලංකාවේ බොහෝ පන්සල් වල බෝධිපුජා වලට එන අයගේ මුහුණු දැක්කම තේරෙනවා ලංකාවේ ගොඩක් ඉන්නේ ආත්ම විශ්වාසයක් නැති ධනාත්මක චින්තනයක් නැති හරිම දුර්වල හිත් තියෙන අය. මේ වගේ ධනාත්මක ප්‍රකාශ හැමදාම උදේ හවස තමන්ටම කීමෙන් ආත්ම විශ්වාසය හොඳට වර්ධනය වෙනවා. පාළුව සාංකාව වගේ දේවල් නැතිවෙලා යනවා. හිතේ උද්යෝගිමත් බව ඇතිවෙනවා. ඊට අමතරව මේවා හිතනකොට හිතින් පිටවන කිරණ මගින් ඇත්තටම ජීවිතය සාර්ථක වෙන දේවල් ආකර්ෂණය වෙනවා. මේ අභ්‍යාසය දවසක් දෙකක් ගියාම අමතක වෙනවා. ඒ නිසා උදේ ඇහැරුණු ගමන් පෙනෙන තැනක මේව ලියපු කොලය හොදට පෙනෙන විදියට තියන්න. මේවා කියවනකොට හොදට තමන්ට ඇහෙන්න කියවන්න.  මේ දේවල් ටිකම කියවන්න ඕනි නෑ තමන්ට හොදයි කියල හිතෙන ධනාත්මක ප්‍රකාශ ලිස්ට් එකක් හදාගන්න. අනාගතය ගැන වාක්‍ය වගේම අනිවාර්යෙන් වර්තමානය ගැනත් ධනාත්මක ප්‍රකාශ ඇතුලත් වාක්‍ය අඩංගු කරගන්න. මේ දේවල් කියවනකොට මේවට විරුද්ද දේවල් හිතුනොත් ඒවා එක්ක ගැටෙන්න යන්නෙපා. නිකන්ම අතැරලා දාන්න.

                                            මේ දේවල් හැමදාම උදේ හවස හිතනවට අමතරව ධනාත්මක පුරුදුත් ඇතිකරගන්න. අනුන්ගේ , ආණ්ඩුවේ, පවුලේ වැරදි කියා කියා විවේචනය කිරීම නවත්තන්න. තමන්ට හොදක් කරලා තියෙන අයගේ හොඳ ගැනම කතා කරන්න. නිතරම තමන්ට උදවු කරපු අයට ස්තුති කරන්න. අනුන්ට වෛර කිරීම නවත්තන්න. පසුතැවීම් නවත්තගන්න. අනුන්ගේ දේවල් වලට ඉරිසියා කිරීම නවත්තන්න . අනුන්ගේ සැප දැකල සතුටු වෙන්න. සාර්ථක මිනිස්සු දිහා බලල එයාලගේ ජිවිත කතා කියවල සතුටු වෙන්න. "මේ වගේ උන්ටත් හරියනවනේ "වගේ දේවල් හිතිමෙන් වලකින්න. අනුන්ට ඇස්වහ කටවහ කිරීමෙන් වලකින්න. අනුන්ගේ සම්පතක් දැක්කම හරිම හොද ජිවිතයක් තව තව මේ වගේ දේවල් ලැබෙන්න කියල හිතන්න. පුළුවන් තරම් අනුන්ට වචන වලිනු ආශිර්වාද කරන්න. වචන වලින් ආශිර්වාද කරන්න බැරි වෙලාවට හිතින් ආශිර්වාද කරන්න . අනුන්ගේ දියුණුවට අකුල් හෙලීමෙන් වලකින්න, පුළුවන්තරම් තවත් අයට දියුණු වෙන්න, උඩට එන්න උදවු කරන්න


ආකර්ෂණ නිතිය Law of attraction

ධනාත්මක චින්තනය ගැන කියද්දී visualization කියල දෙයක් මම සඳහන් කළා. මම කලින් සඳහන් කළා අපේ හිතින් පිටවන කිරණ වලට අපිට ඕනි දේවල් ආකර්ෂණය කරගැනීමේ හැකියාවක් තියෙනවා කියල. මේ හැකියාව භාවිත කරලා අපිට අවශ්‍ය දෙයක් ලබාගන්න ක්‍රමවේදයක් තියෙනවා. එක තමයි අපිට අවශ්‍ය දේ වෙලා තියෙනවා කියල සිතින් දකිමින් සිතින් අත්විදීම. මේක තමයි visualisation කියන්නේ. මේ අභ්යාසයත් ටිකක් භාවනාවක් වගේ දෙයක්.  අපි අපිට අවශ්‍ය දේ අපිට ලැබිල තියෙනවා හා අපි ඒක භාවිතා කරනවා සිතින් දකිනකොට සිතෙන් පිටවෙන කිරණ මගින් අපි හිතින් මවාගත්ත දේ ඇත්තටම සිද්ද වීමට අවශ්‍ය දේවල් බාහිර ලෝකයේ සිද්ද කරනවා. ඒ මගින් ඇත්තටම අපිට අවශ්‍ය දේ ලැබෙනවා. visualisation කරද්දී සැලකිලිමත් වෙන්න ඕනි මුලිකම කාරණය තමයි visualisation කරන්න ඕනි අනාගතේ වෙනවා කියල දැකල නෙවෙයි වර්තමානයේ වෙලා තියෙනවා කියල හිතින් දකිමිනුයි. උදාහරණයක් විදියට අපිට ෆෝන් එකක් ඕනිනම් හිතින් දකින්න ඕනි අපිට අවශ්‍ය ෆෝන් එක අපිට ලැබිල තියෙනවා, එකෙන් කෝල් කරනවා, ඉන්ටනෙට් යනවා, ඒකට ඇප්ස් ඩව්න්ලෝඩ් කරනවා, චාර්ග් කරනවා, සින්දු අහනවා වගේ දේවල්. අපිට ලක්ෂපතියෙක් වෙන්න ඕනිනම් හිතින් දකින්න ඕනි දැනටමත් ලක්ෂපතියෙක් වෙලා ඉන්නවා, පෝසත් ගෙදරක ජිවත් වෙනවා, පෝසත් වාහනයක යනවා, ලක්ෂපතියෙක් විදියට ඇදුම් අදිනවා කනවා බොනවා වගේ දේවල්. මේ ක්‍රියාවලියේදී යටි හිතට පිලිගන්නවනවා අපිට අවශ්‍ය දේ වෙලා තියෙනවා කියලා. එමගින් යටි හිත ඒ කාරණය ඇත්තක් කරලා දෙනවා. යටි හිතට හැකියාව තියෙනවා හිතින් කිරණ පිටකරල අවශ්‍ය දේවල් සිදු කරන්න. visualisation කරද්දී  නිකන්ම හිතනවාට වඩා පුළුවන්තරම් විඳිමින් , feel කරමින් සිතින් මවාගන්න උත්සහ කරන්න.

මේක තමයි ආකර්ෂණ නිතිය මගින් තමන්ට අවශ්‍ය දේවල් ඉෂ්ට කරගන්න භාවිතා කරන්නේ. දවසකට විනාඩි 15ක් 30ක් විතර භාවනා කරනවා වගේ තමන්ගේ අරමුණ ඉෂ්ට වෙලා තියෙනවා හිතින් දකිමින් ඒක අත්විදිමයි මෙහිදී කරන්නේ.
මිට අමතරව තමන්ට වෙන්න අවශ්‍ය දේ වෙලා තියෙනවා වගේ ධනාත්මක වාක්‍යක් විදියට ලියාගෙන හැමදාම කියවීමත් එක උපක්‍රමයක්.
ඒ වගේම තමන්ට අවශ්‍ය දේ වෙලා තියෙනවා කියල වාක්‍යක් හදාගෙන තමන් නිතරම දකින තැනක පෙනෙන නොපෙනෙන තරම් පොඩියට ලියල තියන එකත් තවත් උපක්‍රමයක්. අපිට පැහැදිලිව පෙනෙන දේවල් යන්නේ උඩුහිතට. අපිට එකපාරට නොපෙනෙන හැංගිලා වගේ තියෙන දේවල් යන්නේ යටි හිතට. යටි හිතට දෙයක් ඇතුල් කරන්න නම් කරන්න ඕනි ඒ දේ උඩු හිතට එකපාරට නොයන විදියට ඇතුල් කිරීම. ඇස් වලට කියවගන්න බැරි තරම් පොඩියට ලිවීමෙන් ඒක කරගන්න පුළුවන්. ඒ වගේම වචන භාවිතා කරන්නේ නැතුව විවිද රුප සටහන් හෝ සංකේත භාවිත කරලා ලියන්න පුලුවන්නම් වැඩිය හොදයි. සංකේතාත්මක දේවලුත් යටි හිතට යන්න වැඩි නැඹුරුවක් තියෙනවා.

visualisation කිරීමේදී හිත එක්තැන් වෙලා තියෙන තරමට තමන්ට අවශ්‍ය දේ ඉෂ්ට වීමේ සම්භාවිතාව වැඩි. ඒක ධ්‍යාන තියෙන කෙනෙක් අධිෂ්ඨාන කරලා ඉර්ධි දක්වනවා වගේ වැඩක්. සාමාන්‍ය හිතකින් කරන්න බැරි දේ එක්තැන් වුනු හිතක සිතුවිල්ලකින් වෙනවා. ටිබෙට් භාවනා කිපයක්ම තියෙනවා මේ විදියට හිත එක්තැන් කරලා visualisation කරන විදයට සකස් කල භාවනා. එවයේදීත් භාවිතා වෙන්නේ මේ උපක්‍රමයමයි. ඒ නිසා visualisation කරන්න කලින් හොදට හිත එක්තැන් කරන්න පුළුවන් නම් වඩාත් හොදයි.

ආකර්ශන නිතිය අනුව visualisation කලාට තමන්ට ඕනි හැමදේම වෙනවා, හැමදේම ලැබෙනවා කියල හීන ලෝකෙක ෆැන්ටසි ලෝකෙක ජිවත් වෙන්නෙපා. එහෙම ඉබේම හැමදේම ලැබෙන්නේ නෑ. සමහර දේවල් ලැබෙනවා .සමහර දේවල් ලැබෙන්නේ නෑ. තමන්ට අවශ්‍ය දේ හෝ තත්වය ලබාගන්න ක්‍රියාත්මක වෙන තරමට ඒක ලැබෙන්න තියෙන ඉඩ වැඩිවෙනවා. ඒ නිසා visualisation විතරක් කර කර ඉන්නෙපා . මේක වැඩියෙන්ම practicle වෙන්නේ තමන්ට අවශ්‍ය දෙයක් ලබාගන්නවාට වඩා තමන්ට අවශ්‍ය තත්වයකට පත්වෙනවා කියන දේටයි.

ධනාත්මක චින්තනය හා ආකර්ෂණය නිතිය මගින් සියලුම දේවල් කරගන්න පුළුවන් මට වෙන කිසිම දේක පිහිටක් අවශ්‍ය නෑ කියල මුලාවක, හීන ලෝකෙක ජිවත් වෙන්නෙපා. බුදුන් වැදීම්, බෝධි පුජා ආදිය කිරීම්, දෙවියන් ඇදහීම්, නක්ෂත්රානුකුල දේවල් කිරීම වගේ දේවලුත් අවශ්‍ය වෙලාවන් වලදී කරන්න. ඒවාත් අයිති විශ්වයටම තමයි.

                                         මේ ලිපිය ලියන්න හේතු උනේ ෆේස්බුක් හරහා හුවමාරු උන අබ්දුල් කලාම්ගේ ධනාත්මක වාක්‍ය ලිස්ට් එකක්  තියෙන උඩ ෆොටෝ එක දැකීමෙන් පස්සේ. ලෝකේ සාර්ථක උන බොහෝ  අය මේ ධනාත්මක චින්තනය හා ආකර්ෂණ නිතිය භාවිතා කරපු අය. ලෝකයේ ප්‍රසිද්ධ බොහෝ දෙනෙක්ගේ , සාර්ථක කෝටිපති බොහෝ දෙනෙක්ගේ සාර්ථකත්වයේ රහස් වලින් එකක් තමයි මේ ධනාත්මක චින්තනය හා ආකර්ෂණ නිතිය.
ඉහතින් දක්වපු ධනාත්මක ප්‍රකාශ ලිස්ට් එක හෝ මෙවැනි කෙටි ප්‍රකාශ කිහිපයක් දිනපතා කන්නාඩියක් ඉදිරියෙන් ඉදිමින් තමන් දිහාම බලාගෙන තමන්ට ඇහෙන ලෙස කියවන්න.


* තමන්ගේ ප්‍රධාන අරමුණ හෝ අරමුණු කෙටි වචන කිහ්පයකින් හෝ රූප වලින් හෝ ඉලක්කම් වලින් කොලයක ලියලා නිදාගන්න වෙලාවට පෙනෙන තැනකින් තියාගන්න.

* උදේ අවදි වූ ගමන් හා නින්දට යන්න පෙර තමන්ට අවශ්‍ය අරමුණ ඉෂ්ට වී තිබෙන බව හිතින් අත්විදින්න. එය ඉෂ්ට වූ විට දැනෙන කරන සියලු දේ සිතින් මවාගෙන විදින්න.

මේ අභ්‍යාස දෙකෙන් ඉතාමත් ප්‍රභලව යටි සිතට අරමුණ අත්කරගැනීම කිඳා බහිනවා.

බොහෝ සාර්ථක පුද්ගලයන් දැනුවත්ව හෝ නොදැනුවත්ව මේ දේවල් භාවිතා කරලා තියෙනවා. හැබැයි එයාල මේක විතරක් කර කර හිටපු අය නෙවෙයි මේවට වඩා සිය දහස් ගුණයකින්  තමන්ගේ අරමුණ වෙනුවෙන්  වැඩ කිරීම නිසයි එයාල සාර්ථක උනේ. ඒ නිසා ජීවිතය සාර්ථක කරගන්න positive thinking හා law of attraction යොදාගන්න ගමන් කැප කිරීම් කරලා  මහන්සි වෙලා වැඩ කරන්නත් පුරුදු වෙන්න.

                               ආකර්ෂණ නිතිය මගින් තමන්ට අවශ්‍ය සියලුම දේ වෙනවා කියල හිතාගෙන සිටීම අනාගතයේදී දරාගත නොහැකි මානසික කඩාවැටීම් වලට හේතු වෙන්න පුළුවන්. ධනාත්මක චින්තනයත් ඕනවට වඩා අන්තගාමි වෙලා හිතින් පිළිගනිම අහිතකරයි. ඒ වගේ දේවල් නිසා මානසික කඩාවැටීම් වලට ලක් උන අය විශාල ගණනක් මානසික ප්‍රතිකාර සඳහා එනවා. විශේෂයෙන්ම විභාග ප්‍රතිඵල වලට A9 A3 බලාපොරොත්තු වෙලා 100% අංග සම්පුර්ණ ප්‍රතිපල වෙනුවෙන් ධනාත්මක චින්තනය හා ආකර්ෂණ නිතිය භාවිතා කරපු අය තමන් බලාපොරොත්තු උන සුපිරි ප්‍රතිපල නොලැබුණාම දරාගත නොහැකි විදියට කඩාවැටිලා මානසික සායන වලට එනවා. මේ නිසා තමන්ගේ අරමුණු හා සිහින හදාගන්නකොට යථාර්තවාදී , ලගාකරගත හැකි සිහින හා අරමුණු තෝරාගන්න. ඔව් මට පුළුවන් කියල හිතාගෙන දවස් 2න් හඳට යන්න අරමුණු හදාගන්නෙපා. ඒ වගේමයි අරමුණ ගැන ධනාත්මකව හිතන තරමට තමන් අරමුණ වෙනුවෙන් වැඩ කරනවද කියල හැමදාම රෑට තමන්ගෙන්ම අහල බලන්න. අරමුණු ඉෂ්ටකරගන්න කරන්න අවශ්‍ය දේවල් අඩංගු කරලා දවසකට, සතියකට මාසෙකට අවුරුද්දකට අවුරුදු 5කට ආදී විදියට time table හා plan පොතක ලියලා ඒ දේවල් වලින් දවසකට එක පියවරක්වත් තිබ්බද කියල දවස ගානේ රෑට කල්පනා කරලා බලන්න.

විශ්ව ශක්තිය ආකර්ෂණය කරගැනීම පිළිබඳව අපගේ යුටියුබ් නාලිකාවේ පලකල වීඩියෝව නරඹන්න :-

 Facebook පිටුවට :- ( මෙතන ක්ලික් කරන්න )