ආරක්ෂක ගාථා හා මන්තර

                                   

                               
                                        මේ ලිපියෙන්  විස්තර කරන්න බලාපොරොත්තු වෙන්නේ අමනුශ්‍යන්ගෙන් ආරක්ෂා වෙලා දෙවියන්ගේ පිහිට ලබාගත හැකි ප්‍රතිඵල අත්දැකපු පිරිත් හා ගාථා හා මන්තර කීපයක් පිළිබඳව. මනුස්ස ලෝකේ මනුස්සයන්ට වඩා අමනුස්සයෝ ඉන්නවද කියල හිතෙන තරමට කීප දෙනෙක්ටම උන අමනුෂ්‍ය කරදර කීපයක් දැක්කට පස්සේ මේ ආරක්ෂක ගාථා ලිපියකින් පළකිරීම හොදයි කියල තීරණය කළා. තමන්ට හෝ අදුරන කෙනෙක්ට අමනුෂ්‍ය දෝෂ තියෙනවනම් මේව දිනපතා එකදිගට කීමෙන් ඒවා මගහරවා ගන්න පුළුවන්. හැබැයි මන්තර ගුරුකම් වලින් කරපු දේවල්නම් මේවා මගින් අයින් කරගන්න බෑ. ආරක්ෂාවට වගේම හිතේ ශක්තිය වැඩිවෙන්නත් හදිසි අනතුරු වලින් ආරක්ෂාව ලැබෙන්නත් දෙවියන්ගේ පිහිට ලැබෙන්නත් මේවා හේතු වෙනවා.

මේ සඳහා භාවිත කරන්න පුළුවන් පිරිත් වෙන්නේ ගිනි පිරිත, ඇනවුම් පිරිත, ජල නන්දන පිරිත හා අභිසම්භිදාන පිරිත කියන හතර. internet search කරලා මේවා ලේසියෙන්ම download කරගන්න පුළුවන්. මේවා කීමෙන් හෝ වාදනය වෙන්න සැලැස්වීමෙන් දේව ආරක්ෂාව සලසා ගන්න පුළුවන්.

හැමදාම බුදුන් වැඳලා පහතින් තියෙන ගාථා හතරම හෝ එකක් හෝ කීපයක් කීමෙන් දෙවියන්ගේ පිහිට අනිවාර්යයෙන්ම ලැබෙනවා. හැබැයි මේවයින්  සංසාර සාරෝඝ කියන ගාථාවේ ප්‍රතිඵල ලැබෙන්නේ මස් මාළු බිත්තර වලින් වැළකිලා හිටියොත් විතරයි. පිලි ජාති කාලා මේ ගාථාව කිවුවා කියල නරකක් වෙන්නේනම් නෑ.  හැබැයි ප්‍රතිඵලයකුත් නෑ. පිළි ආහාර වලින් වැළකිලා පිරිසිදු ජිවිතයක් ගත කරනවනම් සංසාර සාරෝඝ ගාථාව දිනපතා කියන පුද්ගලයන්ගේ නිවෙස් වලට දෙවියන් ධාතුන් වහන්සේලා වැඩමවූ අවස්ථාත් තිබෙනවා. 

(1) සංසාර සාරෝඝ විණීත ණීසං
සංණීත සාතං සුචිසාර ධීසං
සංධීර කං සොණ්‌ණ තනු පළාසං
සංළාප දේසිං පණමෙභි සාසං

සංසාභි ගං කේවල මෝහ නාසං
සංනාහකං මාර රණෙ විසේසං
සංසේවිතං දාසි මුදාර හාසං
සංහාර ධම්මං පණමෙ සදාසං

සංදාස ගං නා සිත පාප නාසං
සංනාප ධංසි හත ඝෝර පාසං
සංපාර ගාමිං සුචිසාර වාසං
සංවාර සංඝං පණමෙ රසාසං


(2) ජයෝ මුනින්දස්ස සුබෝධිමූලේ
අහෝසි මාරස්ස පරා ජයෝහි
උග්ඝෝසයුං දේව ඝනා පසන්නා
ඒතේන සච්චේන ජයස්සු මයිහං


(3) පඨවි බල සුන්දරී - සබ්බඤ්ඤු බෝධි මණ්ඩලං
අසංඛෙයිය මාර සේනං - ජයෝ ජයතු මංගලං

කකුසන්ධෝ කෝණාගමණෝ - කස්සපෝ ගෝතමෝ මුනි
මෙත්තෙයිය පඤ්ච බුද්ධා තේ - සිසේ ‘මේ’ සෙන්තු සබ්බදා

එතෙසං ආනුභාවේන - යක්කා දේව මහිද්ධිකා
තේ සබ්බේ සුඛිතා හොන්තු - ‘මම’ මිත්තා සහායකා

සම්බුද්ධේ අට්ඨ විසංච - ද්වාදසං ච සහස්සකං
පඤ්චසත සහස්සානි - නමාමි සිරසා අහං
තේසං ධම්මඤ්ඤ සංඝන්ච - සබ්බේ පච්චේක සම්බුද්ධේ
බෝධිරාජේ ච සබ්බේසං - සාදරේන නමා මහං
නමක්කාරේනූ භාවේන - සබ්බේ භයා උපද්දවා
අනේකා අන්තරායාපි - විනස්සන්තු අසේසතෝ


ගාථා වලට අමතරව දෙවියන්ගේ පිහිට ලබාගන්න පුළුවන් තවත් ප්‍රධානම ක්‍රියාවක් තමයි පින්කම් කරලා දෙවියන්ට පින් අනුමෝදම් කිරීම. නිතර නිතර දෙවියන්ට පින් දෙන පුද්ගලයන්ව දෙවියන් කැමැත්තෙන් ආරක්ෂා කරනවා. සමහර ස්වාමින් වහන්සේලා බන කියන වෙලාවට කියනවා පින් කරලා දෙවියන්ට පින් දෙන්න දෙවියෝ යැපෙන්නේ මිනිස්සුන්ගේ පින් වලින් කියලා. ඒක වැරදි මතයක්. දෙවියන්ට මිනිස්සුන්ගේ පිනක් අවශ්‍ය නෑ. තමන්ව නිතර මතක් කරමින් පින් දෙන පුද්ගලයන් වෙත දෙවියන් නිතර බැල්ම හෙලනවා.
අමනුෂ්‍යයන්ගෙන් ආරක්ෂා වීමට පින් අනුමෝදම් කිරීම වඩාත් සුදුසු වෙන්නේ සියලු අමනුෂ්‍යයන්ට අධිපති විරුඪ විරුපාක්ෂ ධෘතරාෂ්ඨ වෛශ්‍රවණ යන සතර වරම් දෙවි වරුන්ටත් ලංකාව තුල අමනුෂ්‍යයන්ට අධිපති සිද්ධ සුනියම්, දැඩිමුන්ඩ, කඩවර, මහසොහොන්, සිද්ධ පත්තිනි, කාලි යන දෙවිවරුන් හටත්  පින් අනුමෝදම් කර සියලු අමනුෂ්‍යයන්ගෙන් ආරක්ෂා කරදෙන ලෙස ඉල්ලා සිටීමයි. ඒ වගේම ඒ දෙවිවරුන් හට අයත් අනවින කොඩිවින ආදියෙන් තමන්ව ආරක්ෂා කරන්න කියල ඉල්ලන්න.


ආරක්ෂාව සඳහා භාවිතා කරන්න පුළුවන් අනිත් දේ වෙන්නේ නවකුන්ඩරාජ මන්තරය. මන්තරයක් උනත් මස් මාළු වගේ කිලි ජාති වලින් බලපෑමක් නැති නිසා සාමාන්‍ය ජීවිතයේදී මේක භාවිතා කරන්න ලේසි. හැබැයි මේ මන්තරය භාවිත කරනවානම් හරක් මස් වලින් වැලකි ඉන්න ඕනි.  මේ මගින් ප්‍රතිඵල ලබාගන්නනම් ඝන හරියට උච්චාරණය කරමින් මතුරන්න ඕනි. මෙමගින් දේව ආරක්ෂාව ලැබීමට අමතරව ඇස්වහ කටවහ ආදිය දුරුවීමත් සිද්ද වෙනවා.

"ඕං නමඃ ශ‍්‍රී ඝනාය නමඃ සර්වඥාය හරිහරාය රාග ද්වේශ නාය හරිහරාය නව කුණ්ඩරාජයාය ඕං හ‍්‍රීං දේවයෙන් නමඃ රතනත‍්‍රයෙන් නමඃ ඕං හ‍්‍රීං ඊශ්වර වජ‍්‍ර විෂ විනාසනී ඊශ්වරී නීශ්වරී කෝටි දෝෂනී වාරුණී වාරුණී ප‍්‍රකට ප‍්‍රකෝටි වීර භද්‍ර සිංහ නේක කාලී ඕං කාලී ඊශ්වර කාලී විකයණ්ඩි විරූපාක්‍ෂී ධ‍්‍රැතරාෂ්ඨී භුවනේශ්වරී බාලග‍්‍රී බලගන බලදේවී සිද්ධි යෝගී ඝනේශ්වරී චාමුණ්ඩි ලක්‍ෂ්මී සක‍්‍රීන් සැක්ක්‍රාන් මාතාංගී මාතාංග දේවී කාල රාත‍්‍රී උමා පතී ගුහාර දේවී පාතාල දේවී එන්මෝහිනී මහා මෝහිනී නාරායන වීරභද්‍ර දේවී වාතාජ්වර පිතාජ්වර ස්ලේශ්මාසාජ්වර සන්නිපාතාජ්වර දුෂ්ටපානාජ්වර සාදාරව හන හන දහන දහන මත මත චම්ප චම්ප විද්‍යාමනෝහාරය විද්‍යමනෝහාරය කර්ණ කර්ණ වර්ණ වර්ණ උච්ඡාටන උච්ඡාටන ත්‍රෝෂ්ටං ත්‍රෝෂ්ටං නව අරහං මෘග සූකර ව්‍යාඝ‍්‍ර සර්ප විෂ විනාසාය ප‍්‍රමන්ත‍්‍ර චේදනාය ප‍්‍රවිද්‍යා චේදනාය භගවතී භගවතී ගෝතමී ගෝතම මුණී යක්‍ෂ භය චෝර භය මාර භය විෂ විනාසනී තක්‍ෂලී තක්‍ෂලී තමට තමට චලිත චලිත තට තට නශ්ඨ නශ්ඨ ඕං ටඃ හ‍්‍රීං ටඃ ගෞ ටඃ චක‍්‍ර වාලාය චක‍්‍රවාලාය කපාලය කපාලය සූර්ය ප‍්‍රලයාය සරණාය නවන්දිනාය ජීව දේවනී අංගුලිමාල මහා කාලී නමෝ ඉන්ද්‍රනීල මහා බහිරවී ආදි බහිරවී ආමා බහිරවී ඊමා බහිරවී ප‍්‍රකට බහිරවී ඝෝර බහිරවී මාර බහිරවී බහිරව දේවී බහිරව රාක්‍ෂී නාලා ඉරත්තු පත්තේට්ටු විෂාදි විෂ සූනියං ප‍්‍රමන්ත‍්‍ර ප‍්‍රතන්ත‍්‍ර ප‍්‍රවිද්‍යා චේදනකාරී ශ‍්‍රී නාරායන බ‍්‍රහ්මනී කෞමාරි දේවතාවී ප‍්‍රකෝටි විෂ විනාශනී ආඝෝර මුණිවර සරනි රාජ මන්ත‍්‍රී ශාන්ති කව්වේද මන්ත‍්‍ර භූවනී මහා මන්ත‍්‍ර ද්වේෂනී භ‍්‍රහ්මනී බ‍්‍රහ්මනී කෝටි ගුණ දේවේන්ද්‍ර නවකුණ්ඩ රාජයා සිද්ධි කර සිද්ධි සිද්ධී ඒස්වාහඃ"

මෙවැනි තවත්  මන්ත්‍ර ගාථා ආදිය පිළිබඳව දැනගැනිමට අපගේ යුටියුබ් නාලිකාවට එකතුවන්න :-