තෙවැනි ඇස විවර කරගැනීමට ශිව දෙවියන්ගේ පිහිට ලබාගන්නා වත් පිළිවෙත් (භක්ති යෝග)

බොහෝ දෙනෙක් ලිපි කීපයකම ප්‍රශ්න කර අසා තිබුන නිසා ලිපියකින්ම ශිව දෙවියන්ගේ උපකාර ලබාගෙන කුණ්ඩලිනි චක්‍ර අවධි කරගන්න ආකාරය පැහැදිලි කරන්න තීරණය කළා. තෙවැනි ඇස විවර කරන භාවනාව හා කුන්ඩලිනිය අවධි කරන භාවනාවේදී තමන් අදහන දෙවි කෙනෙකුගේ හෝ ශිව දෙවියන්ගේ පිහිට ලබාගැනීම සදහා දෙවියන් වන්දනා කරන ලෙස මම සඳහන් කළා.

*** තෙවැනි අස විවර කරන භාවනාව ලිපිය කියවීමට ( මෙතන ක්ලික් කරන්න click here)

*** කුණ්ඩලිනිය අවදි කරන භාවනාව ලිපිය කියවීමට  ( මෙතන ක්ලික් කරන්න click here)

කුණ්ඩලිනි ශක්තිය අවදි කරගැනීමට එකම මාර්ගය භාවනාව නොවේ. යෝගාසන පමණක් වැඩිමෙන්ද කුණ්ඩලිනිය අවදි කරගත හැකි ක්‍රම ඇත. සුවද ආඝ්‍රානයෙන්ද කුණ්ඩලිනිය අවදි කරගත හැක. ගුරුවරයාගේ ශක්තිය ගෝලයන් හට ප්‍රධානය කිරීමෙන්ද ශක්ති අවදි කල හැක. පතන්ජලි ඍෂි විසින් රචිත යෝග සුත්‍රයේද සදහන් පරිදි භක්ති යෝග වැඩිමෙන්ද ශක්ති අවදි කරගත හැක. භක්ති යෝග යනු දෙවියන්ගේ ශක්තිය ලබාගැනීමෙන් කුණ්ඩලිනි ශක්ති අවදි කිරීමයි.

දෙවියන්ගේ උපකාරයෙන් තෙවැනි ඇස හෝ කුණ්ඩලිනිය අවධි කරගැනීමට කලයුතු පිළිවෙත් කීපයක් තිබෙනවා. පළමු දේ සිල් රැකීම. සාමාන්‍ය විදියට කඩ කඩ සිල් රැකීමෙන් පලක් නෑ. එකදිගට දීර්ඝ කාලයක් තිස්සේ කිසිම අඩුපාඩුවක් වෙන්න නොදී සිල් රැකිය යුතුයි. පෙර කාලයේ සිටි බොහෝ යෝගීන් මෙන්ම ඍෂි වරු පවා දෙවියන්ගෙන් ශක්තින් ලබාගත්තේ වනගත වී තපස් රකිමින් දෙවියන්ට විවිද පුජා කරමින් භාවනා කිරීමෙනුයි. තපස රකින කාලයේදී ඔවුන් තමන්ගේ සාමාන්‍ය ජිවිතයෙන් සම්පුර්ණයෙන්ම මිදී සිට ශක්තිය ලබාගැනීමෙන් පසු නැවතත් සාමාන්‍ය ජිවිත ගත කරනවා. මේ සම්බන්ධයෙන් ලංකාවේ දක්නට ලැබෙන්නේ රාවණා හා ඉන්ද්‍රජිත් ආදීන් පිලිබදවයි. මේ කාලයේ රාවණා පිලිබදව විවිද කතා හදල තිබුනත් රාවණා අමරණිය වරම ලබාගත්තේ මහා බ්‍රහ්මයන්ට වන්දනා කරමින් තපස් රැකීම මගින්. ඒ වගේම රාවණා රජු චන්ද්‍රහාස් අසිපත ලබාගත්තේ ශිව දෙවියන් වන්දනා කිරීම මගින්. ඒ කාලයේ වගේ දැන් වනගත වෙලා තපස් රකින්න නොහැකි නිසා ගෙදර සිටිමින්ම සිල් රකිමින් දෙවියන්ට වන්දනා කිරීමයි කල හැකි දේ. කැලයකට ගිහින් කරනවාට වඩා සාමාන්‍ය ජිවිත ගත කරමින් රකින සීලය ප්‍රභල වැඩි. එයට හේතුව වනයක, සේනාසනයක සිටිද්දී සිල් කැඩෙන්න අවස්ථාවක් ස්වාභාවිකම අඩු වෙනවා. ඒත් සාමාන්‍ය ජිවිත ගත කරමින් නිවසේ සිටිමින් සිල් රැකීමේදී ඒ සිල් කැඩෙන්න ඕනතරම් බාධක එනවා. බාධක මැද අපහසුවෙන් රකින සීලයේ ප්‍රහලකම වැඩියි.

සිල් රකිම ආකාර දෙකකට කල හැකියි.
 භාවනා දියුණුවක් ලබාගැනීම සඳහා තපසක් වගේ සිල් රකිනවානම් ඒ සඳහා පන්සිල් ප්‍රමාණවත් නෑ. ඒත් පන්සිල් පමණක් උනත් දීර්ඝ කාලයක් තිස්සේ හරියටම රකිනවානම් දෙවියන්ගේ උදවු ලැබෙන්න හේතු වෙනවා. ඒත් ඊට වඩා හොදයි අටසිල් දසසිල් රකිනවානම්. දවස් 3ක්, 5ක්, 7ක්, සති 3ක්, මාසයක් ආදී විදියට කාලයක් තෝරාගෙන රකින්න පුළුවන් හැම සිලයක්ම ඒ කාලය ඇතුලත රැකීම සිල් රකින්න පුළුවන් එක් ආකාරයක්. කරන්න කැමති කෙනෙක් ඉන්නවනම් උදවුවක් විදියට කෙටි කාලින සිල් රැකිමකදී මම රකින සිල් සඳහන් කරන්නම්:

1.සිතින් කයෙන් වචනයෙන් ප්‍රාණඝාතයෙන් හා ප්‍රාණ හිංසාවෙන් වැලකීම
(මදුරුවෙක්වත් නොමැරීම, කුහුබුවෙකුටවත් හිංසා නොකිරීම, සතෙකුට හෝ ළමයෙකුට අවවාදයක් දෙන විටවත් පහර දීමක් නොකිරීම, හිංසා කිරීමට සිතින්වත් නොසිතීම )

 2. නුදුන් කිසිම දෙයක් නොගැනීම 

 3. සිතින් කයෙන් වචනයෙන් අබ්‍රහ්ම චර්යාවෙන් වැලකීම
 (පෙම්වතිය හෝ බිරිද සමගවත් රාග උපදින ක්‍රියා නොකිරීම, අසභ්‍ය දර්ශන හෝ රූප නොබැලීම, රාග සහගත දේ සිතින් දැකීමෙන්, මෙනෙහි කිරීමෙන් වැලකීම)

 4. බොරුවෙන්, කේළමෙන්, පරුෂ (අසභ්‍ය හා සැර) වචනයෙන්, හිස් වචනයෙන් වැලකීම 

 5. සියලුම මත්ද්‍රව්‍ය වලින් වැලකීම

 6. විකාල භෝජනයෙන් වැලකීම
(ප්‍රධාන ආහාර වේල් 3 හැර වෙනත් කිසිම ආහාර හෝ පාන නොගැනීම
+ආහාර ගන්නා විට ආහාර කටේ සිට ගුදය දක්වා යන විට වෙනස් වන ආකාරය පිළිකුල් බවට පත්වන ආකාරය සිහි කිරීම
+ආහාරයේ හොදම කොටස් ටික අනා හදාගන්නා පලවෙනි බත් කට සතුන්ට දීමට වෙන් කිරීම )

 7. සැප සහගත උසස් ආසන, ඇතිරිලි, ඇඳ, කොට්ට, මෙට්ට  භාවිතයෙන් වැලකීම

 8. නැටුම් ගැයුම් වැයුම් විහිළු ඇසීමෙන් නැරබීමෙන් වැලකීම
(tv, radio, facebook, gossip, internet සම්පුර්ණයෙන්ම අත්හැරීම)(සින්දු ඇසීමෙන් කියවීමෙන් වැලකීම ,
නාට්‍ය, චිත්‍රපටි, වීඩියෝ බැලීමෙන් වැලකීම)

 9. ආභරණ, සුවඳ විලවුන් , makeup, powder, jel භාවිතාවෙන් වැලකීම
(+කැපී පෙනීමට ඇඳුම් නොඇඳ සාමාන්‍ය ඇදුම් ඇදීම)

10.අද්වේශ
( කිසිම ආකාරයකින් තරහ සිතක් ඇති කර නොගැනීම, තරහෙන් කතා නොකිරීම, තරහෙන් යුක්තව කිසිම ක්‍රියාවක් නොකිරීම. )


11.අභිද්‍යා  (අන් සතු දෙයකට ආශා නොකිරීම,
+තමන් සතු වටිනා දෙයකටවත් ආශා නොකිරීම)

 12. ඉන්ද්‍රිය සංවරය
( ඇසින් දකින රූප කිසිවකට නොඇලීම, නොගැටීම, මුලා නොවීම,
කනෙන් ඇහෙන කිසිම ශබ්දයකට ,
නාසයෙන් දැනෙන කිසිම ගන්ධයකට,
දිවට දැනෙන කිසිම රසකට,
සිරුරට දැනෙන කිසිම පහසකට,
සිතට එන කිසිම අරමුණකට ඇලෙන්නේ නැතිව, ගැටෙන්නේ නැතිව, මුලා වෙන්නේ නැතිව සිත රැකගැනීම)

 13. කායානුපස්සනා
( කයෙහි සියලුම චලන ගැන සිහියෙන් ඉදීම ,සියලුම චලන සිහියෙන්ම කිරීම)

 14. චිත්තානුපස්සනා
(සිතට එන සියලුම අරමුණු ගැන සිහියෙන් සිටීම, දවල් හීන නෝමැවීම )

සරලවම කියනවනම් තමන් සිල් රකින කාලය ඇතුලත රහතන් වහන්සේ නමක් අනුගමනය කරමින් ඉදිමයි සිදු කරන්නේ. මේ සියලු සිල් රකිනව නම් තපස් රකිනවට වඩා ප්‍රබල සීලයක් අත්වෙන්න ඉඩ තිබෙනවා.

සිල් රැකීම ආකාර 2ක් තියෙනවා. මේ වගේ ප්‍රභල සීලයක් දවස් 5ක් වගේ කෙටිකාලයක් රකිනවා වගේම දීර්ඝ කාලයක් තිස්සේ යම් සීලයක් රැකීමත් අවශ්‍යයි. මේ වගේ උග්‍ර ශීලයක් එකදිගට සතියකට වඩා රකින්න සාමාන්‍ය ජිවිතයක් ගත කරමින් අපහසු නිසා පන්සිල් වගේ සීලයක් එකදිගට මාසයක්, මාස  කීපයක්, අවුරුද්දක් 2ක් රකින්න.
පුලුවන්නම් පන්සිල් වලට තවත් දේ එකතු කරගන්න. ප්‍රභල සිල් රකින එක වගේම එකදිගට දීර්ඝ කාලයක් සීලයක් රැකීමත් දෙවියන්ගේ ප්‍රසාදයට හේතු වෙනවා.
පන්සිල් රකින අතර අනුන්ට කරදර නොකිරීම, කුහකකම් ඉරිසියා නොකිරීම, මාන්නයෙන් නොසිටීම අත්‍යවශ්‍යයි. දීර්ඝ කාලයක් තිස්සේ සමාජයට අහිතක් නොකරපු කෙනෙකුට විතරයි ශක්ති අවදී කරගන්න ඉඩ ලැබෙන්නේ. ඒ වගේම ශක්ති අවධි කරගැනීමෙන් පසු කිරීමට බලාපොරොත්තු වන දේ අනුන්ට හිංසා පීඩා වංචා වලින් තොර දේවල් හා සමාජ සම්මතයට එකඟ දේ විය යුතුයි.


ශක්ති ලබාගැනීම සදහා අවශ්‍ය දෙවෙනි කාරණය වෙන්නේ දෙවියන්ට භක්තියෙන් පුජා කිරීම. සියලු දිව්‍යලෝක වල සියලු දෙවියන් අතරින් මිනිසුන්ව දේවත්වයට පත් කිරීම හා මිනිසුන්ට ශක්තින් ලබාදීම සිද්දකරන්නේ මහා බ්‍රහ්ම, ශිව, විෂ්ණු හා සක්‍ර දේවේන්ද්‍ර කියන මහා දෙවිවරුන් සිව් දෙනා පමණයි. වෙනත් කිසිම දෙවි කෙනෙකුට ඒවා සඳහා අවසර නෑ. ඒ නිසා වන්දනා කිරීම හා පිහිට පැතීම සඳහා ඒ දෙවිවරුන් තෝරාගැනීම වඩා හොදයි. ආඥා චක්‍ර භාවනාව කරනවානම් තෙවැනි ඇසට අධිපති ශිව දෙවියන්ටම වන්දනා කිරීමයි වඩාත් උචිත වන්නේ.


ශිව දෙවියන් පිළිබඳව සියලු තොරතුරු සහිත වීඩියෝව : 

ආදී ශක්ති දුර්ගා මෑණියන්, මහා බ්‍රහ්මයන්, ශිව දෙවියන් හා විෂ්ණු දෙවියන් මේ විශ්වයේ තිබෙන ප්‍රභලම ශක්ති දරා සිටින්නන් වන අතර චතුර් වේදය රචනා කල රිෂි වරුන් ඔවුන් වන්දනා කිරීමේ පිළිවෙත් නිර්මාණය කළේ ඔවුන්ගෙන් ශක්ති ලබාගැනීමට මිසක් බ්‍රාහ්මණ කියා වංශයක් තනා හින්දු කියා ආගමක් තනා ගැනීමට නොවේ. එහෙත් ශක්ති ලබාගැනීමට දෙවියන් වන්දනා කරන මිනිසුන්ට මෙන්ම ධන සම්පත්, නිරෝගී සම්පත් ලබාගැනීමට දෙවියන් අදහන මිනිසුන් හටත් දෙවියන් වෙනසක් නොකර පිහිට වෙනවා. පරම්පරාගතව වේද ධර්මය ගෙනයන හින්දුන්ට මෙන්ම ඕනෑම ආගමක මිනිසුන්ට දෙවියන් පිහිට වෙනවා.
රාවණා රජු දෙවියන් වන්දනා කළේ ඒ ආකාරයට මහා බ්‍රහ්මයන් හා ශිව දෙවියන් වෙතින් ශක්තින්  ලබාගැනීමට මිස හින්දු ආගම වැළදගැනීමට නෙවෙයි. 



හිමාලයේ සමහර ඍෂි වරුන් තපස් රකිමින් "ඕම් නමඃ ශිවාය" යන මන්තරය මතුරමින් ශිව දෙවියන් වන්දනා කරමින් භාවනා කිරීමෙන්ම පමණක් තෙවැනි ඇස විවර කරගන්න බව මා හට දෙවියන්ගෙන් දැනගැනීමට ලැබුනා. ඒ ආකාරයට ශිව දෙවියන් තෙවැනි ඇස විවර කරගැනීමට ශක්තිය ප්‍රදානය කරන්නේ දිගු කාලයක් තිස්සේ සිල්වත්ව සිටි, දෙවියන් ගැන භක්තියෙන් වන්දනා මාන කල අයට පමණයි. මේ භාවනාව කිරීමේදීත් ඕනෑම නිවැරදි තෙවැනි අස භාවනාවක් කිරීමේදීත් භාවනාව තරමක් දියුණු අවස්ථාවට පත්වුණු විට බොහෝ දෙනෙකුට භාවනාව තුලදීම මහා ශිව දෙවියන් දර්ශනය වීම සිදුවෙනවා. සමහර කෙනෙකුට ශිව දෙවියන් සමග සන්නිවේදනය කිරීමේ හැකියාවත් ලැබෙන්න පුළුවන්.

මේ ආකාරයටම මහා බ්‍රහ්මයන් වන්දනා කර "ඕම් මහා බ්ර්හ්මාය නමඃ" ලෙස මතුරමින් භාවනා කිරීමෙන් පමණක් කුණ්ඩලිනිය අවධි කරගත් යෝගීන් සිටිනවා.  Third eye හෝ කුණ්ඩලිනි භාවනා කරන අය භාවනාවට කලින් විනාඩි 10ක් පමණ වෙලාවක් භක්තියෙන් යුක්තව මේ විදියට මතුරමින් හෝ සිතමින් භාවනා කර යෝග භාවනාව පටන්ගැනීමෙන් දෙවියන්ගේ පිහිට ලැබෙන්න හේතු වෙනවා.

පිරිසිදු තැනක තමන් වන්දනා කරන දෙවියන්ගේ රූපයක් තමන්ගේ මුණ මට්ටමෙන්  තිබෙන විදියට තැනක් සකස් කරගෙන මල් සුවඳදුම් දිනපතා පුජ කිරීමත් දෙවියන්ගේ බැල්ම ලැබීමට හේතු වෙනවා. පහනක් නොතැබීම වඩා හොදයි. පහනක් තබනවා නම් කිලි වලින් ආරක්ෂා වීම වැනි පිළිවෙත් කල යුතුයි. දෙවියන්ට පහනක් තැබීමේදී කල යුතු පිළිවෙත් හොදින් දන්න ඒවා කරන්න කැමති කෙනෙක් විතරක් පහනක් තියන්න. ශිව දෙවියන් වෙනත් දෙවිවරු මෙන් පහන් වලට වඩින්නේ නෑ. එහෙත් මල් පහන් පුජා කිරීමෙන් දේව බැල්ම හා ආශිර්වාදය ලබාගත හැකියි. ශිව දෙවියන් හට වන්දනා කිරීමට රාවණ රජු විසින් නිර්මිත ශිව තාණ්ඩව ස්ත්‍රෝත්‍ර භාවිතා කිරීම වඩාත් සුදුසුයි.

* සක්‍ර දෙවියන් වන්දනා කරන ගාථා හා මන්ත්‍ර :-  ( කියවීමට මෙතන ක්ලික් කරන්න click here)


* පින්කම් කරන වෙලාවට ඒ පින් දෙවියන්ට අනුමෝදම් කිරීමත් දෙවියන්ගේ ප්‍රසාදය ලබාගැනීමට පුළුවන් ක්‍රමයක්. දාන මාන දීම බෝධි පුජා ආදී මහා පින්කම් වගේම බුදුන් වැදීම වැනි සියලු පින්කම් වලදී දෙවියන්ට පින් අනුමෝදම් කරන්න.

* කොනේශ්වරම්, මුන්නේශ්වරම් හා දෙවුන්දර උපුල්වන් මහා දේවාලය වැනි ශිව හා විෂ්ණු දෙවියන්ගේ මහා දේවාල වලට ගොස් වන්දනා කිරීමත් හැකි පමණින් පුජා තැබීමත් දෙවියන්ගේ බැල්ම උදාකරගන්න හේතුවෙනවා.


* තෙවැනි ඇස විවර කරගැනීම සඳහා ශිව දෙවියන්ගේ පිහිට පතන අය දැනගත යුතු විශේෂ කාරණයක් තිබෙනවා. ලෝක විනාශය සිදුවෙන සමයේදී මිනිසුන් අතරින් අධාර්මිකයන් ඉවත් කිරීමට ශිව දෙවියන් මැදිහත් වෙනවා. ඒ කාලයේදී අධර්මිෂ්ඨ පුද්ගලයන් විනාශ කිරීම සඳහා ශිව දෙවියන් තමන් විසින් ශක්ති ප්‍රධානය කරපු අයව භාවිතා කරනවා. වරම් ඉල්ලන්න කලින් ඒ කාරණය ගැනත් සැලකිලිමත් වීම වඩා සුදුසුයි.


ලංකේෂ්වර උතුම් මහ රාවණ රජතුමා විසින් ශිව දෙවියන්ගේ ගුණ ගායනා කිරීම සඳහා නිර්මාණය කරන ලද ශිව තාණ්ඩව ස්තෝත්‍රය 

ජටාටවී ගලඃ ජලඃ ප‍්‍රවාහ පාවිතස්ථලේ

ගලේ වලම්භ්‍ය ලම්බිතාම් භුජංග තුංග මාලිකාම්

ඩම ඩම ඩම ඩම නිනාදව ඩමර්වයම්

ඡකාර චණ්ඩ තාන්ඩවම් තනෝතුනඃ ශිව ශිවම්

ජටා කටාහ සම්බ‍්‍රමබ‍්‍රම නිලිම්ප නිර්ජරී

විලෝලවී චිවල්ලරී විරාජ මාන මුර්ධනී

ධග ධග ධග ජ්වලල් ලලාට පට්ට පාවකේ

කිෂෝර චන්ද්‍ර ශේකරේ රති ප‍්‍රති ක්‍ෂනම් මමා

ධරා ධරෙන්ද්‍ර නන්දිනී විලාස බන්ධු බන්ධුරා

ස්ඵුරද්දිගන්ත සන්තති ප‍්‍රමෝධ මාන මානසේ

ක්‍රපා කටක්‍ෂ ධොරනී නිරුද්ධ ධුර්ධරාපදි

ක්වචිද්දි ගම්බරේ මනෝ විනෝධමේතු වස්තුනී

ජටා භුජංග පිංගලස්පුරත් ප‍්‍රණා මණිඃ ප‍්‍රභා

කදම්භ කුම්කුමද්ධ‍්‍රව ප‍්‍රලිප්ත දිග්වධූමුඛේ

මධංග සින්ධුරස්ඵුරත්වගුත්තරීය මේධුරේ

මනෝ විනෝධමද්බුතම් බිභර්තු භූත භර්තරී

සහස‍්‍ර ලෝචනඃ ප‍්‍රභුත්‍යශේෂ ලේඛ ශේඛරා

ප‍්‍රසූල ධූලි ධෝරනී විධු සරංග‍්‍රි පීඨභූ

භුජංගරාජ මාලයා නිබද්ධ ජාඨ ජූටකා

ශ‍්‍රියී චිරාය ජායටාම් චකෝර බන්ධු ශේඛරා

ලලාට චත්වරජ්වල ධනම් ජයස්ඵුලිංගභා

නිපීඨ පංච සායගම් නමඃ නිලිම් පනායකම්

සුධා මයූක ලේඛයා විරාජමාන ශේඛරම්

මහා කපාලි සම්පදේ ශිරෝ ජඨාල මස්තු නා

කරාල භාල පට්ටිකා ධග-ධග-ධග ජ්වලා

ධනම් ජයා හුතිඃ කෘතඃ ප‍්‍රචණ්ඩ පංච සායගේ

ධරා ධරෙන්ද්‍ර නන්ධිනී කුචග‍්‍ර චිත‍්‍රපත‍්‍රකා

ප‍්‍රකල්පනියික ශිල්පිනී ත‍්‍රිලෝචනී රතිර් මමා

නවීන මේඝ මණ්ඩලී නිරුද්ධ ධුර්ධරස්ඵුරත්

කුහූ නිෂී දිනීතමඃ ප‍්‍රපංධ බන්ධ කන්ධරා

නිලිම්ප නිර්ජරීදරශ්තනෝතු කෘති සින්ධුරා

කලා නිධාන බන්ධුරඃ ශ‍්‍රියම් ජගත් ධුරන්ධරා

ප‍්‍රෆුල්ල නීල පංකජඃ ප‍්‍රපංච කාලිමඃ ප්‍රභා

වීලම්භි කන්ට කන්දලි රුචි ප‍්‍රබද්ධ කන්ධරම්

ස්මරස්චිධම්, පුරච්චිධම් භවච්චිධම් මඛච්චිධම්

ගජචිධාංදකච්චිධම්, තමන්තකච්චිධම් භජේ

අඛර්ව සර්ව මංගලා කලා කදම්බ මංජරී

රසඃ ප‍්‍රවාහ මාධුරී විජෘම්භනා මධු ව්‍රතම්

ස්මරාතකම්, පුරාතකම්, භවාන්තකම් මඛාන්තකම්

ගජාන්ධ කාන්ධ කාන්තකම් තමත්ථ කාන්තකම් භජේ

ජයත්ව්වධ භ්‍රවිභ්‍රමද්  බුජංග තුංග මශ්වසත්

ද්විනිර්ගමද් ක්‍රමස්ඵුරත් කරාල භාල හව්ය වත්

ධිමිඃ ධිමිඃ ධිමිඃ ධ්වනන් ම්රදංග තුංග මංගලඃ

ධ්වනි ක‍්‍රමඃ ප‍්‍රවර්තිතඃ ප‍්‍රචණ්ඩ තාණ්ඩවඃ ශිවහා

දෘශද් විචිත‍්‍ර තල්පයොර් භුජංග මෝක්තිකඃ ස‍්‍රජො

ගරිෂ්ඨ රත්න ලොෂ්ටයො සුහෘද්ධි පක්‍ෂ පක්‍ෂයෝ

ත්‍රණාර වින්දු චක්‍ෂු-ශ්‍රෝත්‍ර ප‍්‍රජා මහී මහේන්ද්‍රයෝ

සමඃ ප‍්‍රව්‍රති ක්හ කධා සදා ශිවං භජාම්‍යහම්

කදා නිලිංප නිර්ජරී නිකුංජ කෝටරේ වසම්

විමුක්ත ධුර්මතිස් සදා ශිරස්ථ මංජලිං වහම්

විලෝල ලෝල ලෝචනු ලලා මපා ලලග්නකා

ශිවේති මන්ත‍්‍ර මුච්චරන් කදා සුඛී භවාම්‍යහම්

ඉමම්හි නිත්‍ය මේව මුක්ත මුක්තමෝ තමම්ස්තමම්

පඨම්ස්මරම් ධෘවං නරෝ, විශුද්ධිමේති සන්තතම්

හරේ ගුරෝ සුභක්තිමා ශුයාති නන්‍යධා ගතීම්

විමෝහනම්හි දේහිනාම් සුශංකරස්‍ය චින්තනම්


ඉති ශ‍්‍රී දශ කණ්ඨ රාවණ කෘතම්, ශිව තාණ්ඩව ශ්තෝත‍්‍රම් සම්පූර්ණම්෴


ශිව තාණ්ඩවයේ සම්පුර්ණ සිංහල අර්ථය සහිත අපගේ යුටියුබ් වීඩියෝව :-

*** ශිව තාන්ඩවය හා එහි අර්ථය පිළිබද ලිපිය කියවීමට ( මෙතන ක්ලික් කරන්න Click here)




මෙම ලිපි අනවසරයෙන් සම්පුර්ණයෙන් හෝ කරුණු වශයෙන් උපුටාගැනීමෙන් හා වෙනත් යමක පළකිරීමෙන් වලකින්න.