Third Eye - තෙවැනි ඇස විවර කරගන්නා භාවනාව(2) (හුස්ම ක්‍රමය)

                                           

 තෙවැනි ඇස ගැන මුලික හැදින්වීමත් ගින්දර භාවිතයෙන් තෙවැනි ඇස විවර කරගන්නා (රුද්‍ර යෝග)  ක්‍රමයත් බ්ලොග් එකේ පලවෙනි ලිපියෙන් (click here) මම විස්තර කළා. එතනදී කෙටියෙන් හදුන්වපු හුස්ම භාවිතයෙන් තෙවැනි ඇස (ආඥා චක්‍රය ) විවර කරගන්නා අකාරය මේ ලිපියෙන් පැහැදිලි කරන්න බලාපොරොත්තු වෙනවා.
තෙවැනි ඇස ගැන මුලික හැදින්වීම කියවල නැති අය මුලින්ම මුලික හැදින්වීම කියවල ඊට පස්සේ මේ
පොස්ට් ඒක කියවන්න. මුලික හැදින්වීම පොස්ට් ඒක කියවන්න - ( මෙතන ක්ලික් කරන්න )
තෙවැනි ඇස විවර කරගත්තම අධිමානසික හැකියාවන් විශාල ප්‍රමාණයක් ලැබෙනවා. රාත්‍රියේදීත් දහවලදී මෙන් පරිසරය පෙනීම, අනුන්ගේ සිත් දැකීම, අනුන්ගේ සිතුවිලි පෙනීම, දුර ඇති දේවල් දැකීම, පරමාණු තරම් ඉතා කුඩා දේවල් දැකීම, අමනුෂයන්, දෙවියන්, හා එම ලෝක දැකීම, අනාගතය අතීතය දැකීම, පෙර ආත්ම අනාගත ආත්ම දැකීම, ඇගෙන් හිත වෙන් කර ගැනීම, එක් තැනකින් අතුරුදහන් වි වෙන තැනකින් මතුවීම, හිතකින් හිතකට සන්නිවේදනය කිරීම, මනුෂයන්ව සතුන්ව මෝහනය කිරීම, ශරීරය පොළවෙන් ඉහලට එසවීම වගේ ගොඩක් හැකියාවන් ලබාගන්න පුළුවන්.

ආනාපානසතිය වගේ භාවනාවක් පුරුදු කරලා තියෙන කෙනෙක්ට මේ භාවනාවෙන් ඉක්මනට කුණ්ඩලිනිය අවධි කරගන්න පුළුවන්. එහෙම නැති උනත් කමක් නෑ සාමාන්‍ය අයටත් හොදින් ප්‍රගුණ කරන්න පුළුවන්. මේකටත් හැමදාම කරන්න පහසු එකම වෙලාවක් හා එකම ස්ථානයක් තෝරාගන්න.

මුලින්ම සති 6ක් පමණ ආනාපානසති භාවනාව  කර හිත හොඳින්  එකඟ කරගන්න උත්සහ කරන්න. එමගින් යම් තරමකට හෝ හිත එක්තැන් කරගැනීමෙන් පස්සේ දෙවන පියවරට එන්න. හිත එක්තැන් නොවී ශක්ති අවධි කරන්න ඉතාම අමාරුයි වගේම එසේ කරන්න යාමෙන් මොලයට හානි වී සිහි විකල් වෙන්නත් පුළුවන්.

 දෙවන පියවරේදී  ශක්ති අවධි කරගැනීමේ භාවනාව සඳහා පද්මාසනය , සිද්ධාසනය, සුඛාසනය හෝ අර්ධ පද්මාසනය යන ආසන 4 න් එක් අයුරකින් බිම හිදගන්න. බිම සිටීම ශක්ති අවධි වීමට අත්‍යවශ්‍යයි.රෙද්දක් වැනි යමක් එලලා හිටියට කමක් නෑ. පුටු ඇඳන් මත ඉන්නෙපා. පතුල් උඩට හිටින විදියට කකුල් හරහට තියාගෙන පද්මාසනයෙන් ඉන්න පුලුවන්නම් ඉතාම හොදයි, ඒ විදියට පද්මාස්නයෙන් ඉද්දි ඉබේම කුණ්ඩලිනිය අවධි වෙනවා.එත් ඒකට ඉතා දීර්ඝ වෙලාවක් ඉන්න ඕනි. ඊට වඩා ලේසියි භාවනා කරලා කුණ්ඩලිනිය අවධි කිරීම. 

තෙවැනි ඇස සහිත මුණක රුපයක් ඇඳලා භාවනා කරන තැන ඉදිරියෙන් ඇස මට්ටමට කෙලින් තිබෙන්න සලස්වලා ඒ දිහා බලාගෙන මේ භාවනාව කිරීමෙන් Third eye  විවර වෙන්න උත්තේජනයක් වෙනවා. අතින් ඇඳපු සරල රුපයක් විතරක් මේකට භාවිතා කරන්න. ප්‍රින්ට් කරපුවා, photoshop වලින් edit කරපුවා භාවිතා කරන්නෙපා මානසික රෝග හැදෙන්න පුළුවන්.

භාවනා කරන්න ඕනි මේ විදියටයි:
හුස්ම ගන්නා විට හුස්ම නළල මැද හරහා - තෙවැනි ඇස හරහා ඇවිත් තෙවැනි ඇස හරහා - නළල හරහා හුස්ම පිටවෙනවා සිතන්න. තෙවැනි ඇස හරහා හුස්ම එනවා යනවා හිතන්න. මෙච්චරයි භාවනාව විදියට කරන්න තියෙන්නේ. භාවනා කරන්න ඕනි නළල මැද ගැන හිතල මිසක් ගොඩක් පොත් වල තියෙනවා වගේ දෙබැම මැද ගැන හිතල නෙවෙයි. තෙවැනි ඇස තියෙන නිවැරදි ස්ථානය මම පලවෙනි ලිපියේ සඳහන් කළා.

පොඩි කාලයක් මේ භාවනාව කරලා ප්‍රතිපල ලබාගන්න අමාරුයි. දවසකට පැය 5ක් පමණ කලොත් ආඥා චක්‍රය හොඳින් සක්‍රිය වෙනවා. ඒත් පටන්ගන්නකොටම ඒ තරම් වෙලාවක් කලොත් භාවනාව එපා වෙන නිසා පැය භාගයකින්, පැයකින් පටන් අරන් ක්‍රමයෙන් වෙලාව වැඩිකරන්න තමන්ට අපහසු නොවෙන විදියට. 3^rd eye විවර වෙන්නනම් එකදිගට ගොඩක් වෙලා භාවනා කරනවා වගේම හැමදාම එකදිගට භාවනාව කරන්න අවශ්‍යයි .

මේ භාවනාව කරන අතරත් මෙතනින් (click here) දාලා තියෙන ඕම් කාරය download කරගෙන ඒක අහන ගමන් භාවනාව කරන්න. ඉක්මනට තෙවැනි ඇස විවර වෙන්න එය උදවු වෙනවා.

භාවනාව කරගෙන යනකොට මුලින්ම ඇත්තටම හුස්ම නළල හරහා එහා මෙහා යනවා දැනෙනවා. 3^rd eye විවර වෙන්න ලං වෙනකොට නළල මැද නලියනවා වගේ දැනෙනවා. ගොඩක් ආසන්න උනාම නළල මැද අකුණු ගහනවා වගේ/  රිදී ඉරක් වගේ පේනවා. මේ මට්ටමට ආවනම් භාවනාව නතර නොකර එකදිගටම පුළුවන් තරන් වෙලා කරන එක හොදයි. (ඒත් මේ මට්ටමට ආවට පස්සෙත් third eye විවර වෙන්න දවස් කීපයක් ගතවෙන්න පුළුවන්)
තවදුරටත් භාවනාව කරනකොට තෙවැනි ඇස විවර වෙනවා.  ඒ අවස්ථාවේදී නළල මැද බැලුවම නිල් පාට ඇසක් සිරස් අතට පෙනෙනවා. මේ වෙලාවට ඇස් වහගත්තත් අවට පරිසරය තෙවැනි ඇසෙන් පේනවා. රාත්‍රී වෙලාවක lights නිවුවත් දවල්ට වගේ හොදින් වටපිට පේනවා.


* තෙවැනි ඇසට අධිපති ඊශ්වර දෙවියන් හා පරිවාර දෙවියන් සිටින නිසා මේ භාවනා වඩන සියලුම දෙනා උන්වහන්සේලාගේ බැල්මට ලක් වෙනවා. සමාජයට අහිතරකර අරමුණු හෝ පැවතුම් සහිත අයට ආඥා චක්‍රය අවධි කරගන්න ඉඩක් ලැබෙන් නෑ. තෙවැනි ඇස විවර කරගත් කෙනෙක් සමාජයට අහිතකර දෙයක් කලොත් දඩුවම් විදීමට හෝ ශක්තිය අහිමි කරගැනීමට හො මරණයට පත්වෙන්න සිද්දවෙනවා.ඒ වගේම ආපහු ලබන ආත්මෙකදී මේ භාවනා අහන්නවත් ඉඩක් ලැබෙන එකක් නෑ.

* ගොඩක් පොත්පත් වල තියෙන්නේ දෙබැම මැදින් හුස්ම එහා මෙහා යනවා දකින්න කියල උනත් නිවැරදිම ක්‍රමය දෙබමට උඩින් නළල මැදින් අභ්‍යාසය කිරීම. ආඥා චක්‍රයට අදාළ මොළයේ කොටස වන pineal gland තියෙන්නේ දෙබැමට සමරේඛියව උනාට ආඥා චක්‍රය තියෙන්නේ නළල මැද මිසක් දෙබැම මැද නෙවෙයි

* මේ භාවනාවේ දියුණුවේ රහස වන්නේ එකදිගට හැකිතරම් කාලයක් භාවනාව වැඩිම හා හැමදාම භාවනා කිරීම. සැරින් සැරේ එහෙන් මෙහෙන් භාවනා කලොත් සාර්ථක ප්‍රතිපල නැතිවෙනවා මෙන්ම ශක්ති විෂමතා ඇති වි ලෙඩ රෝග, මානසික ව්‍යකුලතා ඇතිවෙන්න පුළුවන්. එමනිසා පිළිවෙලකට නිවැරදිව භාවනාව වඩන්න. ඉක්මන් ප්‍රතිපල බලාපොරොත්තු වෙලා වැඩ අනාගන්නෙපා .ඉවසීමෙන් ප්‍රගුණ කරන්න

*ශක්ති භාවනා සාර්ථක කරගැනීමට දෙවියන්ගේ හා ශක්තිය අවදි කරගත් අයගේ හා රාවණ රජතුමාගේ උදවු ලබාගන්න පුළුවන්. තෙවැනි ඇසට අධිපති ඊශ්වර දෙවියන් හෝ තමන් අදහන දෙවිවරු නැමදීමෙන් උපකාර ලැබෙන්න පුළුවන්. ශක්තිය ලබා ගැනීමට  අංගම්පොර හදාරන අය යෝග වැඩීමේදී රාවණ රජතුමාට විවිද පුජා කරන බවත් මට දැනගන්න ලැබිල  තියෙනවා

*** භාවනා කරන්න කලින්  අනිවාර්යෙන් කියවිය යුතු උපදෙස් සහිත ලිපිය කියවන්න මෙතන ක්ලික් කරන්න ( Click here )

* ආධුනිකයන් භාවනා ආරම්භ කල යුතු ආකාරය පිළිබද ලිපිය කියවීමට ( මෙතන ක්ලික් කරන්න )
තෙවැනි ඇස භාවනා හෝ කුණ්ඩලිනි භාවනා වඩන සියලු දෙනා එම ලිපියේ සඳහන් මුල් පියවර සිදුකිරීමෙන් පසුව පමණක් භාවනා ආරම්භ කරන්න!

තෙවැනි ඇස විවර වෙන්න ගත වෙන කාලය සති කිහිපයක ඉදන් අවුරුදු ගානක් තෙක් වුනත් ගත වෙන්න පුළුවන්. ගතවෙන කාලය තීරණය වෙන මුලික සාධක වෙන්නේ එකදිගට හැමදාම කිරීම/නොකිරීම, භාවනා කරන පැය ගණන හා හිතේ එකඟකමයි. ඒ නිසා කලබලෙන් නැතිව ඉවසීමෙන් හිත එකඟවෙන විදියට භාවනාව කිරීම තමා ප්‍රයෝජනවත් වෙන්නේ.
භාවනාවක් විදියට නම් කලත් මේ ක්‍රමය අභ්‍යාසයක් නිසා මේ මගින්ම හිත එකඟ කරගන්න සමහරුන්ට බැරිවෙයි. ඒ වගේම මෙය භාවනාවක් නොව අභ්‍යාසයක් නිසා හිතේ ලොකු එකඟකමක් නැති වුනත් එකදිගට කිරීමෙන් ප්‍රතිපල ලබාගන්න පුළුවන්.


මෙම ඍෂි වරුන් හදුන්ව දුන් නිවැරදි භාවනාව අනුගමනය කරලා ඔබත් තෙවෙනි ඇස විවර කරගත්තොත්  මගේ ගුරුවරයන්ටත්  මටත් ඒ පින් අනුමෝදන් කරන්න අමතක කරන්නෙපා..


 Facebook පිටුවට  ( මෙතන ක්ලික් කරන්න )

 (මෙම ලිපි අවසරයකින් තොරව සම්පුර්ණයෙන් හෝ කරුණු වශයෙන් උපුටාගැනීමෙන් හා  වෙනත් යමක පළකිරීමෙන් වලකින්න.)